Димитриевски најдобар голман во второто коло од Лигата на Нации (ФОТО)

11 септември 2024 - 18:03

Македонскиот чувар на мрежата Столе Димитриевски беше одличен на нашиот гол во натпреварот против Ерменија во кој славевме победа од 2-0.

Димитриевски беше еден од најзаслужните за триумфот, а доказ за тоа е и индексот од „Софаскор“. Имено, македонскиот голман доби највисока оценка за својот настап помеѓу колегите и се најде на голот во идеалниот тим.

За Македонија е и тоа како важно што Димитриевски и покрај тоа што сезонава е резервен голман во Валенсија и понатаму брани на високо ниво.

Димитриевски доби оценка од 8.4, а во тимот му прават друштво имиња како: Лука Модриќ, Бруно Фернандеш, Арнолд, Кејн...