Ангеловски ја смени стратегијата: Пандев и Елмас од почеток, Тричковски во шпицот
Иако беа незивесни за настап, капитенот Горан Пандев и младиот Елиф Елмас ќе го почнат овој дуел, а во тимот влегуваат и Александар Трајковски и Иван Тричковски во нападот, додека наместо со тројца стопери, сега Ангеловски ќе започне со четворица во линија, па Кире Ристевски останува на клупата за резерви, како и Илија Несторовски и Бобан Николов, кои беа стартери во Бер Шева.
Македонија почнува со Столе Димитриевски на голот, Висар Муслиу и Дарко Велковски ќе играат како стопери, а Егзон Бејтулаи и Езџјан Алиоски на бековските позиции. Во центрачнот дел на средниот ред ќе играат Аријан Адеми и Енис Барди, полушпиц е Горан Пандев, а по крилните позиции Елмас и Трајковски, додека Тричковски е шпицот.
Македонија има две победи во двата досегашни мечеви со Летонија (2-1, 3-1), а на последниот меч во март годинава Елмас даде два гола, а Алиоски еден за триумф на отворањето на овие евроквалификации.