Ужасни сцени во Фиренца, Бове се онесвести, мечот меѓу Фиорентина и Интер е прекинат!

01 декември 2024 - 18:40

Фудбалерот на Фиорентина, Едуардо Бове колабираше за време на мечот против Интер, тој е пренесен во болница, а дуелот е прекинат и нема да се доигра денеска.

Во 15. минута од натпреварот Едуардо Бове колабираше на теренот и почна да се грчи. Следуваше брза интервенција на медицинската екипа и паника меѓу играчите.

Фудбалерите на двете екипи го обиколија Бове на теренот додека се укажуваше медицинската помош.

Младиот играч беше однесен на носилки во болница со амбулатно возило, а натпреварот беше прекинат и одлучено е да не се доигра денеска.

На лицата на сите на кои беа присутни можеше да се види паника, кај навивачите, фудбалерите и судиите, на некои од нив имаше и солзи на очите.

Во текот на денот ќе се знае повеќе за состојбата на Бове.