Уште не потпишал, а акциите на Јувентус рапидно растат поради Роналдо!

05 јули 2018 - 18:04

Шпекулациите за потенцијалниот трансфер на Кристијано Роналдо од Реал Мадрид во Јувентус не престануваат. Португалецот наводно веќе ја изразил желбата да го напушти „Сантијаго Бернабеу“, а поедини медиуми соопштуваат дека веќе сѐ е подготвено за негова селидба во Торино.

Тоа би било навистина сензационален трансфер, а иако сѐ уште не го облекол дресот на Старата дама, Роналдо уште од сега влијае врс растот на вредноста на акциите на овој славен италијански гигант.

Како што стануваат се погласни шпекулациите дека роналдо доаѓа во Јувентус, така вредноста на акциите на Старата дама растат сѐ повеќе и повеќе на берзата.

Имено, вредноста на една акција скокна за девет отсто, а денес на пладне нивната вредност стигна до максимум, па така една акции на клубот се тргуваше по цена од 0,81 евро.

А, доколку трансферот се оствари, Јуве експресно брзо ќе ги врати вложените средства...