Трапановски се сели во Данди - ќе потпише двегодишен договор!

08 јуни 2024 - 13:47

Македонскиот фудбалер Кристијан Трапановски прифатил двегодишен договор со Данди јунајтед и ќе стане третиот македонски интернационалец во шкотското првенство.

Данди му понудил соработка на Трапановски до 2026 година, со опција истата да биде продолжена на уште една сезона, односно до 2027 година.

Трансферот на македонскиот играч е веќе договорен, а веќе се закажани и медицински прегледи, но треба да биде издадена и работна дозвола за Македонецот.

Трапановски се сели во Шкотска како слободен играч, откако претходно го напушти поранешниот македонски шампион Шкупи.