Тебас отфрли воведување на гол-технологија во Шпанија - не се исплаќа!

На последното Ел Класико се случи голем скандал за кој уште се зборува, дали при шутот на Ламина Јамал топката ја мина гол линијата или не.

Судијата не досуди погодок, а од таборот на Барселона се уверени дека тоа беше гол до степен што најавија жалба на суд.

За разлика од Англија и Италија, во Шпанија нема гол-технологија, а според Тебас, нема ни да има.

„Тоа не е перфектна технологија, тоа е првата причина. Но не е само тоа, во текот на сезоната такви ситуација има три или четири и ако на тоа се додаде дека технологијата не е перфектна, вредноста која треба да се плати е многу голема. Треба да се инвестираат пет или шест милиони евра за да се воведе. Тоа што можеме да го направиме е да имплементираме уште повеќе камери кои ќе им помогнат на судиите“, рече Тебас.