Слот доби ултиматум - клубот го контактира Клоп

27 ноември 2025 - 16:17

По дебаклот на Ливерпул и поразот од 1-4 на домашен терен од ПСВ, англиските медиуми тврдат дека во просториите на клубот е одржан итен состанок на одборот за да се одлучи за судбината на тренерот Арне Слот.

Според информациите на „Телеграф“, холандскиот стручњак сè уште ја има довербата на раководството на клубот, но таа не е безусловна. На Слот му е поставен ултиматум - мора да освои максимум девет бода во следните три натпревари, во спротивно, соработката ќе биде прекината. Следниот меч е в недела, кога ќе гостува кај Вест Хем, потоа на 3 декември ќе го пречека Сандерленд, а третиот натпревар во серијата ќе го игра на 6 декември на гости кај Лидс.

„Црвените“ одиграа одлично минатата сезона под водство на Слот, а тимот дополнително се засили во текот на летото. Сепак, резултатите беа незадоволителни - поразот од ПСВ беше нивни деветти во последните 12 натпревари, а одбраната игра далеку под очекувањата.

Според англиските медиуми, челниците на Ливерпул го контактирале Јирген Клоп за да видат дали може да се врати - барем како привремено решение. Тие се подготвени да му понудат краткорочен договор, свесни дека тој е сè уште прв избор на повеќето навивачи.