Сериозен проблем за Шпанецот: Де Хеа го загуби местото во стартната постава

21 август 2019 - 16:49

Новиот селектор на Шпанија, Роберт Морено, смета дека голманот на Манчестер Јунајтед, Давид Де Хеа, не е број еден во земјата.

Според него, тројца голмани рамноправно ќе конкурираат за првиот состав.

Мојот избор на голманската позиција е Де Хеа, Кепа и Пау Лопез. Ми се допаѓа што има конкуренција. Кепа не е пред Де Хеа, а ниту еден од нив не е пред Пау. Сакам да стигнам до Евро 2020 со тројца голмани кои се подготвени да се борат за место во составот. Сите играат на високо ниво и меѓу нив има разлики, изјави Морено.

Во квалификациите за Европското првенство 2020, Шпанија по четири кола е лидер во Ф-групата со максимални 12 бода.