Се чекаше два месеци за Арсенал да победи во Премиер лигата! (ВИДЕО)

09 декември 2019 - 22:57

Екипата на Арсенал конечно се израдува на победа во Премиер лигата по пауза од повеќе од два месеци, откако славеше на гостувањето кај Вест Хем со 1-3.

На последниот меч од 16. коло во Премиер лигата, „Топчиите“ и покрај тоа што губеа на полувреме, сепак во вториот дел успеаја да го свртат резултатот во своја корист и тоа за само шест минути. Прво во листата на стрелци се запиша Мартинели во 60. минута, а шест минути подоцна погоди и Пепе. Обамејанг во 69. ги постави и конечните 1-3 со кои е прекината црната серија од седум меча без победа.

Со овој триумф Арсенал се искачи две места на табелата и моментно е деветти со 22 бода, додека Вест Хем има 16 бода и се наоѓа на 16. место во Премиер лига.