Роналдо уште не потпишал за Јувентус, а веќе се продава црно-белата седумка (ФОТО)

08 јули 2018 - 17:12

Фудбалскиот свет со нетрпение го очекува бомбастичниот трансфер на надобриот светски фудбалер Кристијано Роналдо од Реал Мадрид во Јувентус за 100 милиони евра, но иако засега нема дефинитивна отврда дека Португалецот е дел од „старата дама“, дресови со неговата седумка веќе се продаваат.

Според последните најави трансферот треба да се заврши до среда, а Реал Мадрид веќе ја прифатил понудата од Јувентус, додека Роналдо најверојатно од поодамна се договорил со челниците на Јувентус за 30 милиони годишна плата и четиригодишен договор.

И додека сите чекаат официјална презентација, продавачите на сувенири и реквизити воопшто не мируват. Веќе во продажба има црно-бели дресови со седумката и името на Роналдо.

Во Торино вакви дресови веќе се продаваат, но сигурно е дека станува збор за реплики и неофицијални дресови, затоа што допрва треба да излезат оригиналните во фан-шопот на „старата дама“.