Родри „флертува“ со Реал Мадрид: Убаво е тоа што постои интерес

22 ноември 2024 - 16:38

Шпанскиот репрезентативец и освојувач на „Златната топка“, Родри ги коментираше шпекулациите кои го поврзуваат со преселба во шпанскиот гигант Реал Мадрид.

Родри во моментов е повреден и најверојатно за него е завршена сезоната, но и покрај тоа многумина сметаат дека ќе се пресели во Реал Мадрид.

„Кога ќе ве повика Реал Мадрид, најдобриот клуб во светот, секогаш мора да слушате. Тоа ве прави горд и секогаш треба да имате време за нив“, кажа Родри.

Шпанецот игра за Манчестер сити од 2019 година, откако претходно го носеше дресот на Атлетико Мадрид.