Родри: Чувствувам дека можам да се вратам оваа сезона!

12 ноември 2024 - 07:20

Добитникот на Златната топка, Родри верува дека може да се врати во финишот од оваа сезона иако речиси сите го пречкртаа, тврдејќи дека за него сезоната е завршена по повредата на лигаментите.

Родри во моментов е на долгата рехабилитација по операцијата на лигаментите. Прогнозите се дека тој ќе се врати на почетокот од следната сезона, но фудбалерот на Сити верува дека тоа ќе се случи порано.

„Чувствувам дека можам да се вратам оваа сезона, да. Можно и можам да направам да се случи“, вели Родри.

„Во моментов се опоравувам, без притисок, важно е да се опоравам на најдобар можен начин“.

„Сезоната е долга, има и ново Клупско Светско Првенство, па можам да се вратам“.

Манчестер Сити без Родри е како друг тим, веќе наредија четири порази по ред.