Ристовски во јануари ќе мора да си најде друг клуб – во Спортинг повеќе нема иднина!
Ристовски уште од септември се најде во немилост на тренерот Рубен Аморим, кој го испрати во Б-тимот и го стави на „трансфер листа“, но иако имаше скоро сигурен трансфер во Динамо Москва, македонскиот репрезентативец реши да тера инает и да остане во Спортинг, со надеж дека ќе успее да го разубеди Аморим и раководството за пак да му дадат шанса во првиот тим.
Но, како што објавува португалскиот весник, вратата е затворена за Ристовски и Аморим нема намера да го враќа, па поради тоа, Ристовски е најдобро да се подготвува за трансфер во јануари, зашто и тоа како ќе биде неопходен за Македонија и во мундијалските квалификации, ама и на Евро 2021 и ќе мора да биде во форма, која секако нема да ја достигне само со тренирање во Б-тимот.
Останува да се види каде ќе продолжи Ристовски, а после ваквата одлука на тренерот, можно е да следува спогодбен ракин на договорот и македонскиот репрезентативец бесплатно да замине во друг клуб. Летово Спортинг бараше три милиони евра за трансфер.