Ренџерс му ја „отвори вратата“ на Миовски: Македонецот си заминува од Шкотска!?

31 август 2026 - 19:55

Македонскиот репрезентативец Бојан Миовски би можел да го напушти Ренџерс во последните денови од летниот преоден рок, откако неговата иднина во шкотскиот гигант станува сè понеизвесна, а како следна дестинација се споменува Турција.

Според информациите од Турција, Генчлербирлиги го ставил Миовски на својата листа на потенцијални засилувања ова лето. Турскиот клуб, сепак, разгледува и други опции за нападот, но Македонецот е еден од главните кандидати.

Трансфер-рокот во Шкотска завршува на 3 септември, додека клубовите од Турција имаат рок до 4 септември да регистрираат нови играчи, па тоа остава простор за дополнителни преговори и можен пресврт во иднината на македонскиот репрезентативец.

Миовски го засили Ренџерс на крајот на август 2025 година, откако претходно играше за Жирона, додека во кариерата го носеше и дресот на Абердин, МТК, Ренова, Македонија ЃП, Работнички и Брегалница.

Фото: Facebook/Rangers FC