![](https://sport1.mk/files/styles/article/public/article/2020/02/14/98399-i-mbape-znae-da-se-posramoti-vakvo-neshto-ne-promashil-vo-kariera-video.jpg?itok=X76lqTJh)
Реал Мадрид има приоритет следното лето - Килијан Мбапе
Претседателот Флорентино Перез ќе направи сè за да го доведе фанатстичниот Французин на „Сантијаго Бернабе“. Интересот од „кралевите“ не е новост, а Мбапе сигурно ќе биде заинтригиран од понудата.
Реал Мадрид изминатово лето потроши 300 милиони евра на нови фудбалери, кои се исклучително млади. Ова покажува дека клубот се подготвува за иднината, а „шлагот на тортата“ треба да биде Килијан Мбапе.
Перез во него гледа идниот Роналдо и фудбалер, кој може да испише нова историја во клубот. Обештетувањето сигурно ќе биде големо, но Реал Мадрид низ историјата постојано ги руши трансфер-рекордите па може да се очекува идното лето трансферот на Нејмар од 222 милиони евра од Барселона во ПСЖ да биде втор најскап на сите времиња.