Расинг Сантандер по 14 години се враќа во Ла Лига (ВИДЕО)

16 мај 2026 - 21:00

Кантабрискиот клуб Сантандер од идната сезона повторно ќе настапува во елитната дивизија од шпанскиот фудбалер откако денеска официјално обезбеди пласман во Примера.

На домашен терен, Сантандер го совлада Ваљадолид со 4-1 и на две кола пред крајот на Сегунда, има недостижни седум бода предност пред третопласираната Алмерија. За Сантандер ова е апсолутно заслужен успех ако се знае дека речиси цела сезона беше на чело на табелата.

Последниот натпревар во елитната конкуренција, Сантандер го одигра на 13 мај 2012 година и таа сезона испадна од Ла Лига, освојувајќи го последното, 20. место со само 27 освоени бода. Оттогаш помина низ еден куп предизвици, веќе следната сезона испадна во третата лига, потоа уште четири сезони во низа помина во таа конкуренција, последните четири сезони настапуваше во Сегунда за сега конечно да го оствари својот сон и да се врати во друштво на најдобрите. 

Вториот патник во Ла Лига ќе биде познат во последните две кола со тоа што Ла Коруња, која во моментов е второпласирана, сега има натпревар помалку и ист број бодови како Алмерија.

Фото: Facebook/Real Racing Club