Рамос: Ако сакав лични награди ќе играв тенис!
Рамос стигна до 71-от гол во кариерата, 69-ти во дресот на „кралевите“ (има два за Севилја) и сезонава е втор најдобар стрелец во својот тим, што е неверојатно зашто Рамос е централен дефанзивец, а вкупно 12 гола даде од кои десет во Ла Лига и два во ЛШ. За него ова беше 22-от последователен реализиран пенал.
„Јас сакам да преземам одговорност, а ситуации кога шутирам пенал и луѓето најмногу се двоумат, јас во тоа најдобро се снаоѓам. Но, небитни се моите голови, колку пенали сум дал. Јас размислувам само на победа, три бода. Најважно е да победиш, ова е тимски спорт, најубав спорт и победата е таа што се смета. Да сакав да се борам за лични награди и индивидуални достигнувања – ќе играв тенис!“, вели Рамос.