Прв проблем за Коста во Атлетико Мадрид – не може да го добие омилениот број

24 септември 2017 - 16:38

Натурализираниот Бразилец, Диего Коста, репрезентативец на Шпанија, кој се врати во Атлетико Мадрид по тримесечната „шпанска сапуница“ за трансферот од Челси ќе заигра за мадридските црвено-бели од јануари, но на доаѓање веднаш наиде на проблем во старо-новиот клуб.

Коста по три години се враќа во Атлетико, во чии дрес блесна пред да направи трансфер во Лондон, но на враќање во Мадрид наиде на првиот проблем – не може да си го носи својот омилен број.

Коста го имаше бројот 19 во дрсот на Рајо Валјекано, Атлетико Мадрид и Челси, но сега тој број го има Лукас Ернандез, па Бразилецот го избрал бројот 18 за до крајот на сезоната. Инаку поред 19-та, Диего Коста во кариерата го носел бројот 17, 22 и 88.

Инаку Диего коста ќе заигра за Атлетико во јануари, кога и завршува суспензијата за забрана за трансфери на поранешниот шпански првак и финалист во ЛШ од ФИФА.