Преживеа тешка сообраќајка, а по шест месеци повторно заигра фудбал (ВИДЕО)

17 јуни 2025 - 11:41

Напаѓачот на Вест хем, Мајкл Антонио ги одигра првите минути на теренот по тешката сообраќајна незгода во декември минатата година.

Антонио со неговото Ферари излета од патот и удри во дрво, при што целосно го уништи возилото, а притоа се здоби со тешки повреди.

Искусниот фудбалер ја преживеа тешката сообраќајка, по што работеше напорно и по шест месеци се врати на фудбалскиот терен.

Антонио влезе во игра на пет минути пред крајот во мечот меѓу Јамајка и Гватемала (0-1).