Пред една година беше болен од рак, a сега е пред деби за Манчестер јунајтед

26 ноември 2019 - 17:08

Младиот фудбалер на Манчестер јунајтед, Макс Тејлор (19) за прв пат е повикан во сениорскиот тим за натпреварот со Астана во рамки на Лигата на Европа. 

Дефанзивецот пред една година боледуваше од рак на тестисите и мораше да мине низ интензивна хемотерапија. Тејлор се врати на тренинзите во клубот во септември, а сега го доби и првиот повик во тимот.

Менаџерот Оле Гунар Солше повика многу млади фудбалери за патувањето во Казасхтан, бидејќи веќе го има обезбедно пласманот во нокаут-рундата. Сигурно ќе биде специјален момент за Тејлор доколку добие шанса да дебитира за „ѓаволите“, една година подоцна откако му беше дијагностицирана тешката болест.