Пораз на Барса, Реал Мадрид остана на врвот во Ла Лига! (ВИДЕО)

16 февруари 2026 - 22:58

По дебаклот од Атлетико Мадрид во Купот на Шпанија, Барселона киксираше во Ла Лига откако загуби на гостувањето кај Жирона со 1-2.

Барселона се изнапромашува во првото полувреме, Јамал не реализираше пенал, а двапати беше погодена и конструкцијата од голот на домаќинот.

Резултатот конечно беше отворен во 59. минута кога Кубарси даде гол за водство на Барса од 1-0.

Но, само три минути подоцна Лемар го изедначи резултатот на 1-1.

Пред крајот на мечот, во 87. минута Белтран даде гол за комплетен пресврт и водство на Жирона од 2-1, што беше и конечен резултат. При овој гол играчите на Барса се жалеа дека има фаул врз нивни фудбалер.

По 24 кола сега Реал Мадрид е прв со 60 бодови, Барселона е втора со 58.