По три мандати и вкупно десет години - Валверде си оди од Билбао

Валверде, кој го предводеше Билбао до првата титула во Купот на кралот по 40 години во сезоната 2023-24, ја објави својата одлука да замине во видео објавено на YouTube каналот на клубот.

„Денес сум тука за да соопштам дека нема да бидам тренер на Атлетик следната сезона. Ова е одлука за која размислував веќе некое време и за која разговарав со клубот. Во исто време, би сакал да нагласам дека ни остануваат 10 важни лигашки натпревари во кои имаме многу за играње“, рече 62-годишникот, кој го водеше и Билбао до шпанскиот Суперкуп во 2015 година.

Валверде, кој ги водеше и Барселона, Олимпијакос, Виљареал, Валенсија и Еспањол, беше тренер на Билбао помеѓу 2003-2005 и 2013-2017, пред да се врати во клубот во јуни 2022 година. Неделниот натпревар во Ла Лига против Реал Бетис ќе биде 495-тиот натпревар на Валверде како тренер на Билбао.

Како активен играч, односно напаѓа,ч Валверде помина уште шест сезони во Билбао како играч, 188 настапи и 50 гола во периодот меѓу 1990 и 1996 година.