Пензијата ќе почека: Роналдо потпишува нов договор!

10 април 2025 - 18:19

Португалскиот фудбалер Кристијано Роналдо ќе го продолжи договорот со Ал Наср на уште две години.

Роналдо пристигна во саудискиот тим во 2023 година по заминувањето од Манчестер јунајтед, а досега настапи на 98 меча за Ал Наср, а притоа запиша дури 88 голови и 19 асистенции.

Неговиот актуелен договор завршува во јуни 2025 година, а претходно се шпекулираше дека новата двегодишна соработка ќе му донесе дури 200 милиони евра.