Нејмар откри кој според него е најдобар фудбалер на сите времиња (ВИДЕО)

19 јули 2019 - 21:21

Бразилецот Нејмар не се појави на почетокот на подготовката на ПСЖ, бидејќи го промовираше турнирот во мал фудбал, поради што доби соодветна казна од клубот. Исто така, Бразилецот е близу до напуштање на тимот од Париз.

За време на промоцијата на турнирот, Нејмар одговори на прашањата на навивачите, а еден од нив беше кој е најдобриот дефанзивец на светот, на што Бразилецот одговори експресно: „Серхио Рамос“.

Многу е тешко да се игра против него, а што е особено важно, тој дава голови, иако е дефанзивец, изјави Нејмар.

Бразилскиот голгетер немаше дилема кога го прашаа за тоа кој е најдобриот фудбалер на планетата.

Меси, тој е најдобриот на сите времиња. Ние игравме заедно четири години во Барселона, ми беше чест и задоволство да си играм со него и останавме пријатели, додаде Нејмар.

Можеби ова е уште еден сигнал од Бразилецот кој посакува да се врати во „Ноу Камп“.