Мурињо во свој стил по победата со 7-0: Има работи кои не ми се допаднаа!

18 септември 2023 - 10:17

Екипата на Рома одигра феноменално на синоќешната средба против Емполи, што може да се види од победата со 7-0, по која тренерот Жозе Мурињо во свој стил дури успеа да најде нешто од кое не бил задоволен.

Португалецот во старт објасни дека неговиот тим не бил толку подобар за да победа со така висока разлика.

„Добар настап, но резултатот не е важен. Имаше подеми и падови, вклучително и во однос на кондицијата, па не беа сите подготвени да играат 90 минути со висок интензитет. Жалам за Емполи, но тоа е фудбалот. Не ми се допаднаа некои работи во играта на мојот тим и заедно со помошниците ќе анализираме се подетално“, изјави португалскиот стратег.

Мурињо исто така не се согласува со дефинициите за неговата работа и перформансите на неговиот тим.

„Мислам дека не бев толку добар тренер како што рекоа минатата недела. И сега не станавме исклучителен тим. Имаме потенцијал и нашата цел е да одиме натпревар по натпревар и да победуваме“, дополни Мурињо.

За Рома ова беше прва победа во четвртиот меч сезонава, по која е на 12. место на табелата во италијанскиот шампионат.