Миовски награден за добрите игри со место во тимот на сезоната во Шкотска

20 април 2024 - 12:41

Македонскиот репрезентативец Бојан Миовски игра уште еден неверојатна сезона во дресот на Абердин, па поради тоа доби големо признание и беше избран во тимот на сезоната во Шкотска.

Миовски е единствениот од Абердин во друштвото на најдобри фудбалери, каде што најмногу доминираат играчи на шкотските гиганти Селтик и Ренџерс.

Македонецот во моментов е трет стрелец во шкотското првенство со 14 голови и две асистенции, додека пред него се Џејмс Таверние со 17 голови и осум асистенции и Лоренс Шенкленд со 21 гол и четири асистенции.