Михајловиќ откри детали од болница: Имав напад на паника, сакав да скршам прозорец...

17 јануари 2020 - 17:02

Тренерот на Болоња, Синиша Михајловиќ зборуваше за деталите од лекувањето од леукемијата, па откри некои работи кои досега не беа познати на јавноста.

Миха полека ја враќа силата и ритамот на тренинзите на Болоња, но свесен е дека мора да внимава на своето здравје.

„Ја добивам битката, но уште не е ништо готово. Поминаа 78 дена од трансплантација на коскената срж, а во првите 100 е најкритично. Морам да бидам трпелив уште 20 дена. Морам да признаам дека имав напади на паника во болница, бев затворен во соба со филтриран воздух. Не смеев да излезам и тоа ме нервираше. Ми дојде да скршам прозорец со столица, но сопругата и медицинските сестри ме запреа, ми дадоа инекција и се смирив. Се чувствував болно, но морав да дадам сила на своето семејство. Ако ме гледаа поразен, тоа ќе беше многу лошо“, открива Михајловиќ.