Мбапе призна: Далеку сум јас од Кристијано Роналдо – нема споредба!

01 ноември 2025 - 10:36

Напаѓачот на Реал Мадрид, Килијан Мбапе, ја освои Златната копачка за најдобар стрелец во светот за изминатата сезона, откако постигна 31 гол во сите натпреварувања, со што на блескав начин ја заокружи својата прва сезона во дресот на „кралскиот клуб“, потврдувајќи дека е едно од најголемите имиња на современиот фудбал.

По доделувањето на наградата, Мбапе беше запрашан дали може да се спореди со Кристијано Роналдо, легендарниот стрелец кој го носеше дресот на Реал и стана најдобар голгетер во историјата на клубот.

„Не знам што да кажам на тоа прашање. Сите знаат дека Роналдо е пример во Реал Мадрид, број еден. Јас сум тука една година, тој беше девет. Не можам да се споредувам со него и со неговите достигнувања, а и не сакам. Мојот пат е различен и јас сакам да го следам мојот пат. Тоа што ме споменуваат во една реченица со Роналдо, за мене е гордост. Размислувам само да го следам мојот пат, да му помогнам на тимот да ја освои секоја можна титула“, изјави Мбапе по свеченоста.

Мадридскиот гигант по десет кола од новата сезона се лидери на табелата во Ла Лига со 27 бодови, пет повеќе од Барселона, а една од причините за тоа е одличната игра на Мбапе, кој веќе има постигнато 11 голови во сите натпреварувања.