Манчестер јунајтед ќе купува само млади англиски репрезентативци

02 октомври 2019 - 13:15

Манчестер јунајтед сезонава нема преголеми амбиции, па планот е да се нападне титулата во Премиерлигата во сезоната 2021/2022. Во меѓувреме тимот ќе мине низ целосна реконструкција и ќе доминираат англиски репрезентативци. 

Според англиските медиуми, планот на Оле Гунар Солшер е зимава и идното лето да се доведат четворица англиски репрезентативци. Најприоритетен е фудбалерот на Лестер, Џејмс Медисон, како и неговиот соиграч Бен Чилвел. Двајцата имаат по само 22 години и пред извесно време добија повик од англискиот селектор Герет Саутгејт. 

Најамбициозниот трансфер на Јунајтед е Џејдон Санчо од Борусија Дортмунд, кој импресионира од натпревар во натпревар. Игра на крилната позиција и би можел да биде идеално засилување за нападот на Солшер. Ако менаџерот успее да ги спои Маркус Рашфорд, Даниел Џејмс и Санчо, тогаш „ѓаволите“ ќе го имаат најбрзиот напад во Европа.

Последен на листата на желби на тимот од „Олд Трафорд“ е Деклан Рајс од Вест Хем.