Ливерпул купи напаѓач за 95 милиони евра, но ќе купува уште еден за 150 милиони!

25 јули 2025 - 09:55

Англискиот шампион неодамна го потврди Уго Екитике за ново засилување, за него на Ајнтрахт му платија дури 95 милиони евра, но сакаат уште еден играч од офанзивата и тоа уште поскап.

Силно се шпекулира дека Александер Исак од Њукасл би можел ова лето да потпише за црвените.

Исак не ги почна подготовките со Њукасл, а според многумина тој веќе го одигра последниот натпревар за овој тим. Наводно сака трансфер, сака поголем предизвик.

Њукасл ќе се откаже од него само за мега понуда, а тоа е 150 милиони евра.

Ливерпул е подготвен да одвои толку пари и да направи страшно дуо во нападот Екитике-Исак.