Ла Лига бара од Судот веднаш да ја поништи регистрацијата на Олмо!

02 април 2025 - 16:14

Војната меѓу Барселона и Ла Лига трае со месеци поради регистрацијата на Дани Олмо и Пау Виктор, а сега пристигнаа нови вести од Шпанија.

Ла Лига објави дека Барселона не ги исполнила барањата, односно финансиските извештаи. Во документот се открива дека последните 100 милиони евра кои ги добил каталонскиот гигант од продажба на ВИП-седиштата на новиот стадион за следните 20 години не се правилно регистрирани.

Шпанската лига поради тоа бара од Судот веднаш да ја поништи регистрацијата за Олмо, а тоа дефинитивно би бил голем удар за Барселона која се бори за титулата.

Според извори од Барселона, раководството на гигантот е мирно и ја очекува конечната одлука на Судот, која треба да биде изречена на 7 април.