Крај на една ера: Гасперини по седум години си оди од Аталанта

29 мај 2023 - 19:27

Џанпјеро Гасперини, човекот кој Аталанта од Бергамо ја изгради во европски клуб и под негова палка бергамашите дојдоа и до Лига на шампиони и дел од првата четворка во италијанскиот фудбал, по седум години ја завршува својата ера во клубот кој пред неговото доаѓање беше само еден просечен калчолигаш.

Според најавите на безмалку сите спортски медиуми во Италија, Гасперини е многу близу до заминување откако во 2016 година го презема тимот од Бергамо, а изгради екипа која играше најубав фудбал на Апенините, стигна до две финалиња во Купот на Италија, а еднаш беше дел и од Лигата на шампионите.

Под негова палка, Аталанта е 28-ма на УЕФА-листата на најдобри клубови според клупскиот рејтинг, како доволен показател каков гигант изгради 65-годишниот Гасперини, кој се поврзува со клупата на Јувентус, Милан, Наполи и Рома, ако Жозе Мурињо си замине од вечниот град.