Ивановски погоди од пенал за реми на Диосѓер

26 февруари 2021 - 21:59

Македонскиот фудбалер Мирко Ивановски доби шанса од клупата за Диосѓер и тоа го искористи на најдобар начин откако постигна гол од пенал за реми против Мезоковец Зори (2-2).

Ивановски влезе во игра во 72. минута од натпреварот, а 10 минути подоцна стрелаше од пенал за водство од 2-1 на неговата екипа, која не издржа до крајот бидејќи Фаркас ги постави конечните 2-2 во 87. минута.

Ова за Ивановски беше трет гол сезонава во унгарскиот шампионат, а неговиот тим е последен на табелата по 23 одиграни меча.