Има многу уапсени: Во Чешка на големо се местеле фудбалски натпревари!

Според информациите од тамошните медиуми, 16 лица се товарат со обвинение за давање миту, тројца за примање поткуп, а еден и за двете работи. Во притвор завршија дури 19 од нив, а, неофицијално, станува збор за местење средби од Третата лига.

Веста за скандалот ја потврдија и од полицијата и од федерацијата, а се очекува наскоро да излезат поголеми детали за тоа кој и како местел натпревар, кои најчесто се на понудите за обложување на речиси сите обложувачници во Европа.