И тоа се случи: После 20 порази во Премиерлигата дочека да се израдува на прва победа!

24 август 2019 - 08:00

Џек Грилиш, фудбалерот на Астон Вила беше најголемиот малер во историјата на премиерлигашкиот фудбал, зашто откако заигра во англиската елита, немаше ниту една победа, а фати неверојатна серија од 20 порази во низа и тоа во последните четири години.

Но, после четири години и „срамен низ“ синоќа стави крај на нешто што беше незапаметено во англискиот фудбал. Астон Вила победи со 2-0 против Евертон во првиот меч од третото коло во англискиот шампионат, а со то Грлиш стави точка на својата малерозна низа.

Покрај Грилиш, крај на голема губитничка серија стави и клубот од Бирмингем, кој немаше премиерлигашки триумф од февруари 2016 година, или повеќе од три ипол години, во кои серијата им беше едно реми и 14 порази.

Астон Вила во јуни годинава преку плејофот се врати во англиската елита.