Хулигани со факели и чадни бомби го нападнаа домот на директорот на Јунајтед (ВИДЕО)
Според англиските медиуми, нападот е дело на таканаречената група „Момци во црно“, кои долго време се против управата на „ѓаволите“ и американските сопственици на клубот. Нивниот револт кулминирал по неодамнешниот пораз од Барнли (0-2) на домашен терен, а нападот доаѓа во пресрет на денешната реванш-пресметка против градскиот ривал Сити во полуфиналето од Лига Купот. „Граѓаните“ во првиот меч славеа со 3-1.
„Клубот знае за нападот на домот на еден од нашите вработени и веруваме дека на лицата кои учествуваа во овој инцидент ќе им биде забрането да ги гледаат мечевите на Јунајтед. Прво поради своето мислење, а второ поради криминалното однесување и загрозување на живтот“, се вели во соопштението на Јунајтед.
Хулиганите скандирале „Вудвард да умре“, сметајќи го како марионета на газдите од САД, чиј основен интерес не е успехот на клубот туку личната заработка.