Хофенхајм го шокира Волфсбург за трет триумф по ред во Бундес лигата

02 ноември 2025 - 19:43

Волфсбург и Хофенхајм одиграа возбудлив и ефикасен натпревар во деветтото коло од Бундес лигата, а на крајот триумфираше гостинскиот тим со 3-2.

Амура донесе предност за Волфсбург во 14. минута од средбата, а Хофенхајм до крајот на првиот дел израмни на 1-1 преку Бургер.

Промел го сврте мечот целосно откако погоди во 50. минута за 2-1 за Хофенхајм, но набрзо Амура стрелаше за да ја анулира негативата на Волфсбург (2-2).

Победата за Хофенхајм ја обезбеди Бургер, кој по еден час игра ја затресе мрежата на домаќинот за 3-2.

Хофенхајм со третата победа по ред скокна до шестата позиција и има 16 бодови, додека Волфсбург е на 12. место со осум поени.

Фото: TSG Hoffenheim