Хамес: Ова може да биде моја сезона во Реал Мадрид

10 септември 2019 - 11:27

Хамес Родригез по две годишната позајмица во Баерн Минхен, повторно се врати во Реал Мадрид. Иако имаше заинтересирани клубови за неговите услуги, како Атлетико Мадрид и Наполи, сепак немаше сериозна понуда која го задоволуваше „кралскиот“ клуб.

Колумбиецот вели дека е среќен што повторно игра во белиот дрес и дека ова може да биде негова сезона.

„Се надевам дека ова може да биде моја сезона во Реал Мадрид. Беше интересно. Играв на 'Сантијаго Бернабеу' по подолго време. Чувството е посебно. Ќе продолжам да работам напорно за да напредувам“, рече Родригез.