Голем пресврт: Симонс со недели го чекаше Челси, а на крај ќе заврши во друг тим

29 август 2025 - 08:26

Холанѓанецот Чави Симонс наскоро ќе го напушти Лајпциг и ќе ја продолжи кариерата во Премиер лигата, меѓутоа не во Челси како што се очекуваше, туку во Тотнем.

Новинарот Фабрицио Романо објави дека Тотнем се договорил со Лајпциг за трансфер вреден 60 милиони евра, па им остануваат уште преговорите со холандскиот репрезентативец.

Челси пред неколку недели ги договори условите со Симонс, меѓутоа не успеа да ја намали цената во преговорите со бундеслигашот.

Доколку во последен момент не се случи нов пресврт, Симонс ќе биде ново засилување на Тотнем.

Фото: Leipzig/X