Елмас пред враќање во Турција - во најголемиот ривал на „неговиот“ Фенербахче!

Преодниот рок во турскиот фудбал завршува утре, па гигантот од Истанбул се обидува дополнително да ги засили своите редови со играчот кој ѝ е одлично познат на публиката во земјата. Елмас беше член на најголемиот ривал на Галатасарај, Фенербахче во периодот од 2017 до 2019 година и за двете сезони забележа 47 настапи во сите натпреварувања и постигна четири гола.

Оттаму се пресели во Наполи, а минатата зима замина во Лајпциг каде не ја доби очекуваната шанса, поради што стагнираше и со својот играчки развој. Галатасарај и Лајпциг веќе стапиле во контакт и преговараат за евентуалниот премин на македонскиот играч, можно е Елмас да се врати во Истанбул како позајмен до крајот на оваа сезона, а потоа Турците да го откупат неговиот договор.