Димитриевски ги мина лекарските тестови, се чека официјална промоција во Валенсија!

21 мај 2024 - 16:55

Македонскиот репрезентативен голман Столе Димитриевски веројатно само часови го делат од потпис со поранешниот шампион на Шпанија, Валенсија.

Познатиот италијански новинар Фабрицио Романо објави дека тој веќе ги поминал лекарските прегледи и повеќе не постојат пречки да стане играч на тимот од Местаља. Наводно, неговиот договор ќе биде со важност до 2028 година, а Димитриевски ќе биде прв голман на Валенсија бидејќи Мамардашвили најверојатно ќе си замине.

Шпански портали денеска пишуваат и дека Валенсија по секоја цена го сакала Димитриевски во своите редови, без разлика што ќе се случи со Мамардашвили претстојното лето. Грузиецот има понуда од Њукасл, но уште ништо не е договорено.