Белингам: Не го навредив судијата – самиот себе си се опцув!

15 февруари 2025 - 22:24

Реал Мадрид не успеа да стигне до победа на гостувањето кај Осасуна, одигрувајќи само 1-1, а мечот го одбележа контроверзното исклучување на Џуд Белингам во 39-тата минута.

Англискиот играч за врска доби директен црвен картон во ситуација кога не се случуваше ништо спорно на теренот. Според судијата, причина за исклучувањето биле наводни навреди од страна на Белингам. Фудбалерот на „кралевите“ ги негираше обвинувањата, тврдејќи дека станува збор за недоразбирање.

„Не му кажав ништо лошо на судијата. Тоа беше израз сличен на шпанскиот ‘joder’, кој го употребив за самиот себеси, а не како навреда кон него. Како самиот да си се опцув. Драго ми е што има видео-снимки кои ќе го потврдат тоа“, изјави Белингам.

Овој инцидент значително влијаеше врз играта на „кралевите“, кои уште во првото полувреме останаа со играч помалку и не успеаја да ја осигураат победата.