Барселона си договорила бесплатно засилување од Јувентус?

26 февруари 2024 - 17:49

Каталонскиот гигант Барселона оваа сезона нема најдобри резултати и во моментов е далеку зад Реал Мадрид во трката за титулата во Ла Лига, па поради тоа претседателот на тимот, Жоан Лапорта реши да бара нови засилувања за идната сезона.

Лапорта наводно го договорил трансферот на Адриен Рабио, кој има договор со Јувентус до крајот на јуни оваа година, по што бесплатно ќе се пресели во Каталонија.

Рабио по трет пат се поврзува со Барселона, а претходно тоа се случи во 2019 година кога го избра Јувентус затоа што каталонскиот тим не ги прифати неговите барања.

Барселона го продолжува трендот со ангажирање на бесплатни засилувања, откако претходно тоа го направи со Серхио Агуеро, Ерик Гарсија, Дани Алвеш, Пјер-Емерик Обамејанг, Маркос Алонсо, Андреас Кристенсен и други.