Барселона брка рекорд стар 57 години, само Реал може да ѝ ги расипе плановите!

18 октомври 2026 - 16:36

Барселона има фантастичен почеток на сезоната во Ла Лига и по девет одиграни кола има исто толку победи. Тимот на Ханси Флик со тоа го израмни рекордот на Реал Мадрид стар повеќе од половина век, а сега има можност да испише нова страница во историјата на шпанскиот фудбал.

Каталонците го достигнаа учинокот на својот најголем ривал од сезоната 1968/69, кога Реал Мадрид, предводен од тренерот Мигел Муњоз, запиша девет победи по ред во првенството.

По триумфот од 5-2 над Бетис во Севиља, Барселона остана со максимален ефект и се наоѓа во одлична позиција пред продолжението на сезоната. Следниот голем предизвик би можел да биде историски, бидејќи токму против Реал Мадрид ќе има можност да ја запише 10. последователна победа и да запише нов рекорд.

„Ел Класико“ меѓу Барселона и Реал Мадрид се игра на 25 октомври од 21 часот.

Фото: Facebook/FC Barcelona