Барса ја победи Осасуна и уште утре може да стане шампион на Шпанија! (ВИДЕО)

02 мај 2026 - 23:01

Барселона е ептен блиску до титулата во Ла Лига откако денеска освои нови три бода со гостинска победа над Осасуна од 2-1.

На четири кола до крајот Барселона има 88 бода, Реал Мадрид има 74, но и меч помалку, па доколку утре не го победи Еспањол на гостински терен, Каталонците и официјално ќе станат шампиони.

На денешниот натпревар долго време беше почетниот резултат 0-0. Конечно беше постигнат гол во 81. минута кога погоди Левандовски по асистенција од Рашфорд.

Пет минути подоцна Торес зголеми на 2-0, но тоа не беше се на натпреварот.

Во 88. минута Гарсија намали на 1-2 и создаде возбудлива завршница на натпреварот, но домаќините не успеаа да се спасат од пораз.