Арсенал продава двајца фудбалери, па купува засилување за 60 милиони евра

09 септември 2025 - 17:01

Англискиот вицешампион Арсенал беше активен во летниот преоден рок и донесе неколку звучни засилувања, но планира да продолжи со ангажирање нови фудбалери и во јануари.

Тренерот Микел Артета најпрво сака да се ослободи од услугите на Леандро Тросар и Габриел Жесус, кои имаат високи плати, а потоа ќе купи засилување од 60 милиони евра.

На листата со желби на „топчиите“ се наоѓа Анџело Стилер од Штутгарт, чија цена изнесува 60 милиони евра.

За услугите на Стилер претходно интерес покажаа уште неколку екипи, меѓу кои се Манчестер јунајтед и Ливерпул.

Фото: Facebook/Arsenal