Арсенал почна преговори со еден од најдобрите шпански фудбалери

02 април 2025 - 18:32

Лондонскиот гигант Арсенал планира да ангажира неколку засилувања за следната сезона во која конечно ќе се обиде да ја освои титулата во Премиерлигата по долга пауза.

Новинарот Фабрицио Романо објави дека управата на „топчиите“ веќе имала разговори со еден од најдобрите шпански фудбалери, Нико Вилијамс.

Вилијамс е на листата со желби на Барселона веќе некое време, а неговата откупна клаузула изнесува 60 милиони евра, но сега во целата приказна се влучи и Арсенал.

Арсенал планира набрзо да испрати понуда до Атлетик Билбао, меѓутоа сака најпрво да ги договори условите со Вилијамс.