Арсенал го руши клупскиот рекорд - за 120 милиони евра носи фудбалер од ПСЖ

Младиот фудбалер нема голема минутажа оваа сезона, бидејќи тренерот Луис Енрике фаворизира напаѓачко трио составено од Усман Дембеле, Дезире Дуе и Хвича Кварацкелија. Незадоволството на Баркола отвори шпекулации дека е можно Баркола да си замина , а „топчиите“ наводно се подготвени да застанат во првиот ред за неговиот потпис.

Опишан како „суперѕвезда“, Баркола се смета за еден од најдобрите крилни напаѓачи во светот, а неговата ситуација во Париз го привлече вниманието на голем број европски гиганти. Иако ПСЖ му понуди нов договор, се верува дека играчот е подготвен за нов предизвик за да игра поредовно и да го достигне својот целосен потенцијал. Арсенал моментално ги има Леандро Тросар, Букајо Сака, Нони Мадуеке, Габриел Мартинели и Еберечи Езе на крилните позиции. Сепак, иднината на Мартинели во клубот е под знак прашалник, бидејќи Мадуеке и Сака ја претпочитаат десната страна, додека Езе е најефикасен во средниот ред.

Иако Артета има еден од најсилните тимови во светот, позицијата лево крило е сè уште место каде што тој сака дополнителен квалитет. Доаѓањето на Баркола би донело опасност на левата страна и би создало совршена рамнотежа со брилијантниот Сака на десното крило. Таквиот напаѓачки арсенал би го направил клубот од северен Лондон сериозен кандидат во сите натпреварувања, вклучително и Лигата на шампионите.

Рекордно засилување на Арсенал досега е Деклан Рајс, за кого на Вест Хем му беа платени 116 милиони евра, а се верува дека Баркола би можел да ја надмине таа сума и дека би можел да оди до 120 милиони.