Антони открива: Манчестер јунајтед не покажа почит кон мене

30 септември 2025 - 19:18

Бразилскиот фудбалер Антони се препороди по преселбата во Бетис, откако претходно помина низ тежок период во редовите на англискиот гигант Манчестер јунајтед.

Антони во разговор со новинарите призна дека поминал низ пекол на „Олд Трафорд“, а решил да замине затоа што Јунајтед не покажал никаква почит кон него.

„Само моето семејство знае колку ми беше тешко. Се плашев дека на крајот нема да успеам. Имав проблеми со спиењето. Тоа беше тешки месеци во Англија, чувствував дека не ме почитуваат. Не сакам да правам скандал, таков е животот“, кажа Антони.

Фото: Facebook/Betis