Американците го ставија Евертон на продажба!

Групацијата го заврши преземањето на Евертон во декември 2024 година, со што заврши турбулентната ера на Фархад Мошири. За време на нејзиното сопствеништво, клубот го реализираше и преселувањето на новиот стадион.

Од Евертон порачаа дека се разгледуваат различни можности за следната фаза од развојот на клубот.

„Групацијата „Фридкин“ истражува нови инвестициски опции за Евертон, вклучувајќи ја и потенцијалната продажба на контролниот пакет акции“, се наведува во соопштението.

Од клубот додадоа дека во моментот кога ТФГ го презела Евертон, клубот се соочувал со значителна финансиска неизвесност, како и со предизвици на теренот и надвор од него.

Како непосредни приоритети биле истакнати стабилноста, инвестициите и поддршката неопходни за обезбедување на иднината на клубот, вклучувајќи го и завршувањето на долго најавуваниот стадион.

„Со оглед на тоа што овие темели сега се цврсто поставени, ова е вистинскиот момент да се разгледа следното поглавје за Евертон. Ќе ги разгледаме само понудите од заинтересирани страни за кои цврсто веруваме дека ќе бидат вистинските чувари на клубот и дека можат да продолжат да го надградуваат досега постигнатиот напредок“, порачаа од клубот.